Google ADS

Ambasadori amerikan në Beograd: Jemi të pakënaqur me vonesën e vazhdimit të dialogut

11:14 | 6 Maj 2021
V. S.

Ambasadori amerikan në Beograd: Jemi të pakënaqur me vonesën e vazhdimit të dialogut

Ambasadori i amerikan në Beograd, Anthony Godfrey tha se Shtetet e Bashkuara të Amerikës janë të pakënaqura me vonesën e vazhdueshme të dialogut ndërmjet Kosovës dhe Serbisë.

“Ne mbështesim përpjekjet e (ndërmjetësit të BE-së) Miroslav Lajçcak dhe shpresojmë në fillimin e planifikuar të dialogut në javët e ardhshme”, i tha ambasadori amerikan sot gazetës serbe, “Kurir”.

I pyetur nëse ka gjasa që presidenti i SHBA-së, Joe Biden, zëvendëspresidentja Kamala Harris ose Sekretari i Shtetit, Antony Blinken do ta vizitojnë Serbinë, Godfrey tha se ato vizita tashmë janë të vonuara, por shtoi se do të mundohet që t’i bind ata të shkojnë në Serbi.

“Shtetet e Bashkuara e njohin rëndësinë e rolit që Serbia luan në Evropë dhe ne jemi të përkushtuar për të avancuar partneritetin tonë dhe për të kontribuar në forcimin e një Evrope të lirë, të bashkuar dhe të sigurt”, tha Godfrey./express/

Shpërndaje në rrjete sociale

Lajmet më të lexuara

Të ngjashme

Foto lajm